نشرت النجمة أروى جودة، مجموعة من اللقطات الرومانسية التي جمعتها مع زوجها، وتفاعل الجمهور معها في كثير من التعليقات التي عبرت عن إعجابها بهذه اللقطات التي اتسمت بالعفوية.

وتحرص النجمة الشهيرة على مشاركة جمهورها بعدد من اللقطات منذ إعلان زواجها، حيث نشرت قبل هذه اللقطات، أخرى وثقت احتفالها بعقد القران.

صور أروى جودة وزوجها

ومن بين اللقطات التي كانت أروى جودة قد نشرتها، مقطع فيديو، ردت فيه على مجموعة من الأسئلة الغريبة التي تلقتها بعد إعلان زواجها.

وقالت أروى جودة في رسالتها: "دول آخر ڤيديوهين.. و تاني علشان الناس اللي بتعشق الأسئلة الفرعية، زي ليه أهلها مش موجودين معاها وفين أهل العريس، بمنتهى البساطة احنا اتعاملنا مع جوازنا في وزارة العدل أنه إجراء قانوني وأننا مش محتاجين معانا غير الشهود (المستشار حسام نجم وأحمد الخواجة) وحضور أختي كان مفاجأة ليا".

وأضافت النجمة المصرية: "غير كده، لأن ميعادنا كان الساعة 8 الصبح، فصعب عليا أني أصحي والدتي بدري أوي كده ووالدي توفاه الله من سنة ونص.. ولكل اللي زعلوا أننا ما قلنالهمش، والله العظيم احنا تعاملنا مع يوم جوازنا هيكون يوم فرحنا اللي هنحتفل معاكم بيه، و زعلكم غالي جداً علينا.. ولولا ان تم تسريب صورنا من مكتب زواج الأجانب، كنا نحتفظ بالمعلومة لنفسنا".

وفي فيديو عقد القران كتبت أروى جودة: "الحقيقة أنا ما كنتش مستوعبة ان احنا كده بنتجوز بجد، كنت لسه مستنية إننا نروح لمأذون، ونعمل فرح، لكن لما جت اللحظة الحاسمة، لقيت نفسي مش عارفة أرد و بسأل "أقول ايه؟" ينفع كده؟".

زواج أروى جودة

ولفتت أروى جودة الأنظار بإطلالة زفاف اتسمت بالبساطة أبهرت بها عيون محبيها، ورغم بساطة الإطلالة وجمال النجمة المصرية، إلا أن البعض تسائل عن سبب عدم ارتدائها لفستان زفاف، أو اعتمادها على لمسات مكياج عروس، وهو ما ردت عليه النجمة الشهيرة بكلمات: "علشان الناس اللي بتحب تسأل أسئلة فرعية زي انت ليه ما لم أرتد فستان، و ليه أنتم مش متشبكين.. احنا اتجوزنا في وزارة العدل) لأنه مش مصري) الساعة 8 الصبح، و استنيننا دورنا، وعلى ما خلصنا الإجراءات كانت الساعة 11.. بس على الأقل كنت حاطة رموش".

وتفاعل مع أروى جودة عدد من المشاهير بينهم إيناس عز الدين في تعليقات منها: "انا مش فارق معايا كل ده فارق معايا بس إنك سعيدة وإني بتمنى حياتك اللي جاية تكون جميلة زيك".

وبعد نشر اللقطات الرومانسية تغزل الجمهور في أروى جودة، وعبروا عن إعجابهم ببساطة الاحتفال في تعليقات منها: "واحدة زي دي جميلة جمال ملحوظ، ورغم كدة اتجوزت في هدوء وبساطة وواضح إنها مبسوطة، أنا بحب كدة جدا واستغرب موضوع الأفراح اللي طلعت موضة دلوقتي إن الناس تعمل فرح علشان يبقوا تريند مش علشان يتبسطوا".

وكتب آخرون: "من أجمل النجوم بحب بساطتها جدا جدا واستغرب وقت إعلان زفافها تساؤلات البعض الغريبة عن المكياج واللبس، هي اختارت تفرح ببساطة، أنتوا إيه دخلكم بجد". "إنسانة رائعة وفنانة أروع، بحبها جدا جدا بسيطة في كل شيء حتى في اللقاءات بحسها شبهنا مش متصنعة".