وجه أحمد حسام ميدو نجم الزمالك السابق رسالة إلى جماهير القلعة البيضاء، بعد الهجوم على مجلس إدارة القلعة البيضاء خلال مواجهة الفارس الأبيض مع الجونة في الدوري الممتاز، أمس الإثنين.

وكتب ميدو عبر حسابه بموقع التواصل الاجتماعي "إكس": "دائما ما أقول إن جمهور الزمالك هو قائد الكتيبة وعنده حس كبير في توجيه رسائله عبر التاريخ وهو من انتشل الفريق من كل محنه بمواقفه الصارمة والحاسمة ودائما ما تكون في التوقيت المناسب!!".

وأضاف: "تواجدت بالأمس في الملعب ولم يعجبني أبدا توقيت توجيه الرسائل لمجلس الإدارة كانت الهتافات في الشوط الأول واحنا كسبانين ١-صفر وبعدها على طول حصل تراخي كبير من لاعيبة الزمالك لحد ما استقبلنا هدف التعادل وتفسيري أن اللاعبين فقدوا تركيزهم وتم إزاحة المسؤولية من على أكتافهم بمجرد سماع هذه الهتافات!!".

وأكمل نجم الزمالك السابق: "وصل الرسايل اللي انت عايزها بس التوقيت مهم التوقيت المناسب دائما آخر دقايق المباراة وانت كسبان فرق ٢ وضامن النتيجه او بعد نهاية المباراة بقول الكلام ده لإني خايف جدا أن الموقف ده يتكرر ثاني قدام بيراميدز ولو أتكرر قدام بيراميدز مش هنعرف نكسب".

وواصل: "وانا بقولكم ماتش بيراميدز هو ماتش الدوري لازم كلنا كزمالكاوية نتحد ونعمل أي حاجه علشان نكسبه لازم ننسى اي زعل من اي حد لمدة كام يوم وكلنا نقف ورا الفرقة وندعمهم وكل واحد من مكانه يعمل اللي يقدر عليه علشان نكسب الماتش ده وبعد الماتش لينا كلام!!"

أتم: "اللي يهمني دلوقتي هو الأولويات والأولويات كالتالي: ١- دفع مستحقات اللاعبين قبل مباراة بيراميدز،

٢- التجديد لجميع اللاعبين اللي جروس طلب التجديد معاهم "بشروط النادي" ولا يوجد لاعب أكبر من الزمالك والتاريخ يشهد،

٣- دعم الفريق بقلب دفاع ولاعب رقم ٦ وجناح لاعيبة بمستوى الزمالك باختيار المدير الفني مش لاعيبة تعبانة زي معظم اللاعيبة اللي جبناهم في فترتين الانتقالات اللي فاتوا!!".